Vyakula vya kuepukwa na wajawazito

Ili mtoto azaliwe akiwa na afya njema pamoja na akili timamu, akiwa tumboni lazima alishwe lishe bora na mlo sahihi. Mwenye jukumu la kutoa lishe bora na sahihi kwa kiumbe kilichomo tumboni ni mama. Anatakiwa kujua aina ya vyakula anavyopaswa kula. Vivyo hivyo, anatakiwa kujua aina ya vyakula vya kuviepuka.


Katika makala ya leo, tunaangalia orodha ya vyakula vilivyokatazwa. Mama mja mzito haruhusiwi kuvila vyakula vifuatavyo kwa faida ya kiumbe kilichomo tumboni na kwa faida yake mwenyewe:

NYAMA MBICHI
Epuka kula samaki au nyama mbichi au iliyopikwa lakini haikuiva vizuri. Utajiepusha na uwezekano wa kula bakteria na vijidudu vingine hatari kwa afya ya mtoto tumboni. Mjamzito anapokula nyama, anatakiwa kuhakikisha imeiva sawasawa.

‘SOSEJI’ NA ‘SANDWICHI’
Mjamzito haruhusiwi kula ‘soseji’, ‘sandwichi’ za nyama na vyakula vingine vilivyotengenezwa kwa nyama. Inaaminika kuwa nyama zinazoandaliwa kwa ajili ya kutengenezea vyakula kama hivyo, huwa vimewekewa vihifadhi vyakula (preservatives) ambavyo vinaweza visiwe vizuri kwa afya ya mtoto.

SAMAKI WENYE ZEBAKI (MERCURY)
Wajawazito wamekatazwa kula samaki wenye kiasi kingi cha madini ya zebaki. Ulaji wa zebaji kwa wajawazito umehusishwa na uzaaji wa watoto taahira. Mfano wa samaki hao ni pamoja na Papa, Chuchunge na dagaa wakubwa.

MAYAI MABICHI
Ulaji wa mayai mabichi au vyakula vilivyochanganywa na mayai mabichi, mjamzito haruhusiwi kuvila. Kuna baadhi ya ‘Ice Cream’ na ‘mayonaizi’ hutengenezwa kwa kuchanganywa na mayai mabichi. Mjamzito amekatazwa kuvila vyakula hivyo.


MAINI
Maini yana kiwango kikubwa cha madini aina ya chuma. Hata hivyo, yana kiasi kikubwa cha Vitamin A ambacho huweza kuwa na madhara kwa mtoto kikizidi.

MAZIWA MABICHI
Maziwa mabichi huweza kuwa na bakteria ajulikanae kama ‘Listeria’, ambaye huweza kusababisha kuharibika kwa mimba. Unapokunywa maziwa, hakikisha yamechemshwa au kama ni ya paketi hakikisha ni yale yaliyoandikwa ‘Pasteurized’ na siyo ‘Unpasteurized’.

KAFEINI (CAFFEINE)
Ingawa baadhi ya utafiti unaonesha kuwa unywaji wa kiasi kidogo cha kafeini hauna madhara, lakini kuna utafiti mwingine unaonesha kuwa unywaji wa kafeini una uhusiano na kuharibika kwa mimba. Kafeini ni aina ya kirutubisho kinachopatikana ndani ya kahawa.


Iwapo mjamzito atakunywa kahawa, basi anywe kiasi kidogo sana kisichozidi kikombe kimoja kwa siku. Kwa kawaida kahawa hukausha maji mwilini, hivyo unywaji wake husaidia kukauka maji mwilini ambayo ni muhimu sana kwa mjamzito.


Utafiti mwingine unaonesha kuwa kafeini inahusishwa pia na uharibikaji wa mimba, uzaaji wa watoto ‘njiti’ na watoto wenye uzito mdogo. Ni vizuri kunywa maji ya kutosha, maziwa na juisi na kuepuka kunywa vinywaji vyenye kahawa.

POMBE
Hakuna ushahidi unaothibitisha kuwa unywaji wa pombe kiasi kidogo wakati wa ujauzito hauna madhara, kwa maana hiyo matumizi ya pombe hayaruhusiwi kabisa wakati wa ujauzito, hata kama ni kidogo.
Unywaji wa pombe wakati wa ujauzito huweza kuathiri ukuaji mzuri wa mtoto. Kutegemeana na kiasi atakachokunywa mjamzito, pombe inaweza kumsababishia mtoto ugonjwa hatari utokanao na pombe (Fetal Alcohol Syndrome).

Views: 12909

Tags: ARE, EAT_Vyakula, WHAT, YOU, kuepukwa, na, vya, wajawazito

Comment

You need to be a member of Global Publishers to add comments!

Join Global Publishers

Comment by Didas Ngowi on November 23, 2012 at 1:09pm
Ni wakati mzuri sasa kwa akina mama kujua ni aina gani ya vyakula unatakiwa ule wakati ukiwa mjamzito, kweli maini ni matamu ni vyema mkafuata ushauri wa madaktari.
Comment by naomi (naenae) on January 30, 2011 at 7:30am
hahaha wengine tumenywewa pombe sana tuu
Comment by Mohamed Hajis mohamed on January 27, 2011 at 8:25am
Jamani kina Mama zingatieni kwa makini kuhusu hili somo kwani elimu kuhusu afya ya uzazi ni pana sana GPL endeleeni kutoa somo ili mtu apate kujilewa kwani kuna hatari kubwa ya Mama mjamzito kupoteza maisha au  kumpoteza mtoto kwa mambo kuntofahamu mambo kama haya
Comment by Mohamed Hajis mohamed on January 27, 2011 at 8:23am
Jamani kina Mama zingatieni kwa makini kuhusu hili somo kwani elimu kuhusu afya ya uzazi ni pana  sana GPL endeleeni kutoa somo ili mtu apate kujilewa kwani kuna hatari kubwa ya Mama mjamzito kupoteza maisha au  kumpoteza mtoto kwa mambo kuntofahamu mambo kama haya.
Comment by Chebe Boy on January 26, 2011 at 10:09am
Dah inabidi wajawazito wajifunze kutotamani ila unaweza kuta mtu mwingine anatamani kitu hadi anaisi roho inataka kutoka sijui mtu wa aina iyo ata epukaje vitu kama vilivyotajwa hapo juu asanteni kwa somo zuri
Comment by Sili Silali on January 26, 2011 at 9:56am

Makala nzuri, inaelimisha!

Upungufu wa hii makala:

1. Hii ni kazi ya "copy and paste" kutoka mitandaoni bila kuzingatia mazingira halisi ya Tanzania hasa vijijini. Nilitegemea ndugu mwandishi ungezungumzia  vitu vinavyoliwa sana na kina mama wajazito kama vile udongo na madhara yake.

2. Maini ni chakula bora kwa mama wajawazito, si sahihi kusema maini hayafai, ungesema kwa matumizi ya maini kwa kiasi kikubwa, maini yana madini ya chuma na virutubisho vingine kwa wingi ambavyo ni muhimu.

3. Kiasi kidogo cha pombe husaidia mwili kuweza kunyonya vizuri virutubisho kutoka tumboni, Tatizo la pombe ni kama itatumika kwa wingi. Wine ni nzuri zaidi, isizidi robo glass ya kawaida (ml 50) na inywewe baada ya mlo

4.Nchi zetu za kiafrika hasa vijijini bado tuna tatizo la uhifadhi bora wa nafaka. Mara nyingi nafaka zilizohifadhiwa sehemu nyevu hupata kuvu(fungi). Kuvu hawa huwa na sumu (Aflatoxin) inayoweza kumdhuru mtoto kirahisi. Ni vyema wajawazito wakaepuka kutumia nafaka ambazo hazikuhifadhiwa vyema.

Makala yako ni nzuri sana, pamoja na mapungufu hayo machache

Comment by besta msumange on January 26, 2011 at 9:54am
asanteni kwa elimu yenu nzuri
Comment by Maggy on January 26, 2011 at 9:49am
Somo zuri sana jamani, endeleeni kutujuza na mngine yahusuyo afya.
Comment by Sarah Anuary on January 25, 2011 at 8:35pm
Haya tena watarajiwa mambo mazuri haya........
Comment by kajerekani on January 25, 2011 at 7:54pm
leo mambo poa kabisa

NI SUPERMARKET GANI BORA KULIKO ZOTE KATI YA HIZI? NA KWA NINI? TOA MAONI YAKO!
  

ADVERTISE HERE

Forum

POLISI KUPAMBANA NA WANAHABARI, WAFUASI WA CHADEMA NANI ALAUMIWE?

Started by GLOBAL in Siasa on Friday. 0 Replies

Jeshi la Polisi likiwa na silaha pamoja na mbwa, Septemba 18, mwaka huu limepambana na wafuasi wa Chadema na wanahabari waliofika katika Makao Makuu ya Jeshi la Polisi jijini Dar kufuatilia tukio la Mwenyekiti wa Chadema Taifa, Freeman Mbowe…

Tags: VURUGU

KIU YA WATANZANIA NI IPI, SERIKALI MBILI AU TATU?

Started by Global Publishers Ltd in Siasa. Last reply by maleka sakeha Sep 14. 21 Replies

Kitendawili kilichopo katika taifa leo kwa sasa ni juu ya serikali ngapi zinafaa kuelekea kupata Katiba Mpya, Serikali mbili au Serikali tatu?TOA MAONI YAKO HAPA!

Tags: katiba, siasa

JUAN MATA KUTUA MANCHESTER UNITED ATASIADIA KULETA MATOKEO BORA BAADA YA TIMU KUSUASUA?

Started by GLOBAL in Burudani. Last reply by maleka sakeha Sep 14. 80 Replies

Juan Mata anataraji kutua Manchester United akitokea klabu ya Chelsea ya…

KUKAMATWA WATANZANIA NA MADAWA YA KULEVYA KILA MARA, TATIZO NI NINI?

Started by GLOBAL in Habari. Last reply by navarrohart Jun 8. 37 Replies

VITENDO VYA KUKAMATWA WATANZANIA NA MADAWA YA KULEVYA KWA SASA VIMEZOELEKA. KATIKA NCHI MBALIMBALI WATANZANIA WAMEKUWA WAKIKAMATWA KWA UBEBAJI WA MADAWA HAYO. JE, TATIZO NI NINI? NA NINI KIFANYIKE?

Tags: MARA, TATIZO, NI, NINI?, KILA

JESHI LA POLISI KUTOA MILIONI 100 KWA ATAKAYEWEZESHA KUPATIKANA WAHALIFU WANAOMWAGIA WATU TINDIKALI NI KWAMBA LIMESHINDWA KAZI?

Started by GLOBAL in Maisha. Last reply by anilahsan Jun 26. 72 Replies

Kamanda wa Jeshi la Polisi Kanda Maalumu ya Dar es Salaam.Jeshi la Polisi…

SIMBA SC WAMTUPIA VIRAGO JUMA KASEJA

Started by GLOBAL in Burudani. Last reply by Aicar Salewa May 23. 5 Replies

TIMU ya Simba SC leo imetangaza rasmi kuachana na mlinda mlango wake mahiri, Juma…

JE, NI SAHII KWA JESHI LA POLISI KULIPUA MABOMU WAKATI WANANCHI WAKIAGA MIILI YA WENZAO?

Started by GLOBAL in Siasa. Last reply by anilahsan Jul 12. 21 Replies

Juzi (Jumanne) polisi walilipua mabomu ya machozi kuwatawanya wafuasi wa Chama cha Demokrasia na Maendeleo (CHADEMA) waliokuwa wamekusanyika katika Viwanja vya Soweto jijini Arusha kwa ajili ya kuaga miili ya wenzao watatu waliopoteza maisha katika…

UKIMYA WA VYOMBO VYA DOLA KUTOA TAARIFA ZA MATUKIO YA MAUAJI NA UTEKAJI NI ISHARA KUWA WANAHUSIKA?

Started by GLOBAL in Habari. Last reply by LUPILYA GREGORY SIMON Dec 19, 2013. 7 Replies

Absalom Kibanda akiwa ICU.USIKU wa Jumanne ya Machi 5 kuamkia Machi…

Tags: UTEKAJI, NA, MAUAJI, NI, ISHARA

Latest Activity

jisuntv posted a status
37 seconds ago
Farjana Shakil posted a status
57 seconds ago
enjoysports01 posted a status
1 minute ago
markating posted a status
1 minute ago
FRANCIS RAMON posted a status
1 minute ago
barons loaru posted a status
2 minutes ago
enjoysports01 posted a status
2 minutes ago
lopazkhan posted a status
3 minutes ago
ketrina1liono posted a status
3 minutes ago
FRANCIS RAMON posted a status
3 minutes ago
barons loaru posted a status
3 minutes ago
Kane Hughes posted a status
4 minutes ago

© 2014   Created by Global Publishers Ltd.

Badges  |  Report an Issue  |  Terms of Service