UTAJIRI WA MZEE WA UPAKO NI TISHIO

Na Mwandishi Wetu
MCHUNGAJI wa Kanisa la Maombezi (GRC), Anthony Lusekelo, maarufu kwa jina la Mzee wa Upako ametamba kwamba yeye ni tajiri tishio kuliko watumishi wenzake kwani anamiliki magari sita ya kifahari na nyumba ambayo ina kiyoyozi (AC).

Mchungaji wa Kanisa la Maombezi (GRC), Anthony Lusekelo 'Mzee wa Upako'.

Akihubiria waumini wake kanisani hapo juzikati, Ubungo- Kibangu, jijini Dar es Salaam na kuoneshwa na Kituo cha Runinga cha C2C na Channel Ten hivi karibuni, Mzee wa Upako alisema magari yake hayo ya kifahari yote yana viyoyozi na si ya kutoka Japan, akimaanisha ya gharama kubwa zaidi.
“Mimi ndiye Mzee wa Upako, nikitoka nje nakuta magari yote sita yapo, nachagua leo niendeshe hili au lile. Najiambia hapana hili nililiendesha jana, nachukua lingine,” alitamba kiongozi huyo.

Mercedes Benz.

Aliyataja magari hayo kuwa ni Mercedes Benz, Land Rover Discovery, Range Rover Sport, BMW X5, Ford Escape na Range Rover Vogue ambayo Uwazi linatafiti bei zake na kuwapelekea wasomaji siku zijazo.
Aidha, mtumishi huyo wa Mungu aliendelea kutamba kuwa nyumbani mwake mna viyoyozi ‘vikali vya kufa mtu’ na kubainisha kwamba huwa akitoka kwenye gari lenye kiyoyozi anaingia katika nyumba yenye kiyoyozi.
“Mimi nasema hayo kwa sababu ni mlipaji mzuri wa kodi za serikali, sioni sababu ya kuficha mali zangu, kwa nini nifiche?” alihoji na kuongeza:

Land Rover Discovery.

“Magari yote nimeandika kwa jina langu ili niyalipie kodi, situmii mwamvuli wa kanisa kwa kukwepa kodi.”
Aliwaambia waumini wake kuwa kazi yake ni kugawa upako wa baraka za utajiri na kwamba kupitia kanisa lake watu wengi wameneemeka kimaisha.
“Nasisitiza kuwa kila mtu anatakiwa kuwa tajiri lakini utajiri wa halali siyo ule wa kudhulumu, ndiyo maana nasimama hapa kutaja mali zangu, magari hayo si mali ya kanisa ni yangu,” alisema.

BMW X5.

Pia aliyachambua makanisa kwa kusema: “Makanisa yetu haya ya kiroho ni hovyo, wameingia matapeli na ninayasema haya kwa kuwa ninayajua, nipo ndani, ndiyo maana najua kitu ninachokisema na mtu akitaka tubishane kwa hoja hii hawezi kunishinda.
“Najua hili ninalozungumza ni jambo zito na sasa ninaposema haya maneno ni sauti ya Mungu mwenyewe inatoka kupitia kinywa changu.”
Mzee wa Upako aliwahi kusema kwamba amekuwa akitumia zaidi ya shilingi 300,000,000 kwa mwaka kwa ajili ya kuendesha vipindi vyake katika runinga na fedha hizo huchangisha kupitia akaunti zake, akasisitiza vipindi vya runingani ni mali yake na si kanisa.

Ford Escape.

Wachambuzi wa mambo wameichambua hesabu hiyo na kugundua kwamba mchunga kondoo huyo hutumia zaidi ya shilingi 25,000,000 kwa mwezi kulipia vipindi hivyo.
Kiongozi huyo ana kanisa kubwa la ghorofa Ubungo Kibangu na mabasi makubwa kadhaa ambayo hutumika kuwasomba waumini bure kutoka Barabara ya Mandela hadi kanisani kwake.
Hivi karibuni Mzee wa Upako amewahi kuwakemea wachungaji wenzake wa makanisa ya kiroho kwa kujitajirisha kwa kujiita manabii na mitume akidai kwamba kufanya hivyo ni kuwatapeli waumini.

Range Rover Vogue.

“Inawezekana vipi mabomu yapigwe madhabahuni halafu wewe kama mtume na nabii usifanye jambo lolote la Kimungu dhidi ya waliofanya kitendo kile madhabahuni?” alihoji Mchungaji Lusekelo.
Alidai kuwa kuna mitume hapa nchini kazi yao ni kugombania ardhi. “Kama kweli wewe ni mtume na nabii halafu unagombania ardhi ya mashamba na Wazaramo, huo ndiyo utume tulioitiwa? Ndiyo maana hata serikali haitutambui,” alisema Mzee wa Upako huku akishangiliwa na waumini wake.
* MAGARI YANAYOONEKANA PICHANI JUU NI MIFANO YA MAGARI ANAYOMILIKI MZEE WA UPAKO.

Tags: uwazi11

0 members like this

Comment

You need to be a member of Global Publishers to add comments!

Join Global Publishers

Comment by richardngeze on January 11, 2013 at 6:20pm: Dah! waumini wake wajinga wajinga wanatembea hadi ndala zinachanika lakini yeye magari kibao! kweli freemanson imemtoa.

Comment by Edson Robhinson on January 8, 2013 at 11:39pm: wezi wakubwa nyie UTAJIRI UMEPEWA NA FREEMASON WENZAKO hafu ujifanye unahubiri? kwanini wewe tuuu na sio yule mama mzee? hv unafikiri utazikwa nazo? hebu tubadilike tuubiri kuhusu wokovu kuliko mali

Comment by lumi mwandelile on January 4, 2013 at 9:45am: WIZI MTUPU

Comment by mayalilwa on December 24, 2012 at 5:23pm: du! mbona Yesu alikuwa masikini? na alisema ni vigumu kwa tajiri kuurithi ufalme wa Mbingu, itakuwaje kwa lusekelo atauona ufalme wa mbinguni kweli!

Comment by Majoto baridi on December 24, 2012 at 3:45pm: ANATISHA NINI?? ATAISHI NAYO MILELE HAYO MAGARI NA VIYOYOZI? ULIMBUKENI TU. KAMA UMEPATA MSHUKURU MUNGU THEN PIGA KIMYA TUMIA TARATIBU USUBIRI SIKU YAKO YA KUFA NA KUVIACHA VYOOTE! UNGETAMBA KAMA UNGEHAKIKISHIWA NA MUNGU KUISHI MILELE.

Comment by pjoan audes on December 22, 2012 at 3:30pm: Saafi sana mjasiriamali lusekelo, amesema kweli kwakuwa utajili anapewa na hao wanaomchangia kile kinachoitwa sadaka, na bado kama hiyo haitoshi akiwa anahubiri huwa wanamtunza kama wafanyavyo kwa wanamziki wa dansi! na hao akina mwingila anaowasema wanagombania ardhi ya wazaramo na kupigwa mabomu madhabauni kwa makanisa yao, yuko sahii kabisa kwasababu wanakosa mbinu ya kula kiulaini mpaka wanapora hata mali za masikini!

Comment by DORAH FREDY on December 22, 2012 at 10:18am: Duh inatisha halafu kwa sasa mnaumbuka sana

Comment by Focus Kunambi on December 15, 2012 at 9:42pm: wajinga ndio waliwao, wakikuletea sadaka wewe bamba tu, wao waendelee kushindia miogo na maji ya kisimani, wewe ni mahambager na mahanjuhanju kila siku

Comment by Domino Bagambisa on December 14, 2012 at 9:07pm: kuibuka kwa kasi haya makanisa kunatia shaka bila shaka wanasukumwa na maslahi binafsi zaidi ya kuhubiri neno la mungu. Hii ni njia ya kupitia kwa kuuaminisha umma kuwa ni nguvu za Mungu sasa wanaanza kulumbana wenyewe kwa wenyewe.

Comment by ronald musiba on December 13, 2012 at 1:44pm: dah! kweli mbuz anakula kulingana na urefu w kamba yake meeeeeeeeeeeeeeeen

‹ Previous
1
2
3
Next ›

RSS

Welcome to
Global Publishers

Sign Up
or Sign In

Or sign in with:

Hadithi za Shigongo

The End of Torture (Mwisho wa Mateso) - 28

THE DIRTY GAME (MCHEZO MCHAFU) - 12

Raymond and Stephanie Raymond na Stephanie -84

Termination of the World (KUANGAMIA KWA DUNIA-77)

KUMBUKUMBU ZA KWELI ZA MAISHA YA SHIGONGO - 31

TOP MEMBERS WIKI HII

1	GLOBAL
2	NDAUKA the GREAT
3	julius manning
4	LJH_3
5	Tatu Majaliwa
6	hope
7	mayalilwa
8	steven emmanuel
9	Matilanga Lukingita
10	tina babi

RSS
View All

Forum

KIPIGO CHA BAO 2-1 KWA MAN UTD, KOSA LA MWAMUZI?

Started by GLOBAL in Burudani. Last reply by Mohammed Mar 26. 6 Replies 0 Likes

JE, NI KWELI KWAMBA KIPIGO CHA BAO 2-1 ILICHOKIPATA MAN UTD KUTOKA KWA REAL MADRID USIKU WA KUAMKIA LEO LAWAMA ZOTE ZIMWENDEE MWAMUZI WA MCHEZO AU MAN UTD WAJILAUMU WENYEWE? TUPE MAONI YAKO!!!

HALI INAYOENDELEA BUNGENI, SPIKA NA NAIBU WAKE WAMESHINDWA KUONGOZA?

Started by GLOBAL in Siasa. Last reply by Ali Abdalla Ali Apr 22. 20 Replies 8 Likes

Tumeshuhudia kwa siku za hivi karibuni hali halisi iliyokuwa inatokea katika Bunge la Jamhuri ya Muungano wa Tanzania. Je, kwa hali hii ni ishara kuwa Spika na Naibu wake washindwa kuliongoza bunge hilo?

VURUGU ZA CCM NA CHADEMA KUGOMBEA MLINGOTI WA BENDERA DODOMA, NANI WA KULAUMIWA?

Started by GLOBAL in Siasa. Last reply by Phinehas Rishiansia Kileo May 3. 6 Replies 3 Likes

Wafuasi wa CCM wakimshambulia mfuasi wa Chadema mkoani Dodoma…

Tags: BENDERA, WA, DODOMA, NANI, KULAUMIWA?

VURUGU ZINAZOENDELEA HAPA NCHINI NANI WA KULAUMIWA?

Started by GLOBAL in Siasa. Last reply by NELSON UVAMBE on Monday. 27 Replies 5 Likes

HIVI KARIBUNI KUMEKUWEPO UPOTEVU WA AMANI HAPA NCHINI PAMOJA NA WANANCHI KUJICHUKULIA SHERIA MKONONI. MKOANI KAGERA WANANCHI WENYE HASIRA WALIWAUA POLISI, IJUMAA ILIYOPITA WAKULIMA NA WAFUGAJI HUKO WILAYANI KILOSA WALIZUA VURUGU NA KUFUNGA BARABARA,…