‘DIAMOND’ AKABIDHI MISAADA HOSPITALI YA LIGULA, MTWARA

Mwanamuziki Diamond (katikati) akipena mikono na Dk. Mdoe wakati wa zoezi la kutoa misaada Hospitali ya Ligula. Wa pili kushoto ni Mkurugenzi wa Safari Radio Foundation, Haroun Maarifa. Wengine ni wafanyakazi wa hospitali hiyo.

Na Sijawa Omary, Mtwara
MSANII anayetamba katika muziki wa kizazi kipya (Bongo Flava), Naseeb Abdul ‘Diamond’, ametoa misaada mbalimbali yenye thamani ya sh. 3,500,000 na laki tano katika wodi ya wazazi ya Hospitali ya Ligula Mkoa Mtwara.

Akikabidhi msaada huo, Diamond alisema yeye kama msanii amevutiwa kutoa msaada katika wodi ya wazazi kwa kuwa watoto wanaozaliwa watakuwa mashabiki wake na watapenda kazi zake hapo baadaye. Msaada msaada huo umefadhiliwa na Safari Radio Foundation.

Alisema pia hufanya hivyo ni kuwa karibu na jamii katika kujenga upendo na mshikamano ili kupata ushauri ambao utakuwa tija katika utendaji wa kazi zake kwani yeye pekee hawezi kupanga jambo pasipo kupata mwongozo kutoka kwa wadau wake.

“Wazazi ni watu wa kuwaheshimu na kuwaenzi kwani kazi wanazotufanyia ni kubwa na nzito katika hatua zote hadi kufikia hapa tulipo,” alisema.
Aidha aliushukuru uongozi wa Safari Radio Foundation kwa kumpa fursa hiyo ya pekee kwani amepata faraja na heshima kubwa katika jamii sambamba na mashabiki wake kwa jumla.

Naye Mkurugenzi wa Safari Radio Foundation ambaye pia ni Mkurugenzi wa Safari Radio FM, Haroun Maarifa, alisema taasisi yake imelenga katika kudumisha umoja na mshikamano.
Mganga Mfawidhi wa hospitali hiyo, Dk. Mdoe Mhuza, ameushukuru uongozi huo kwa msaada uliotolewa ambapo umeonyesha moyo wa kusaidia wagonjwa.

Mhuza aliwataka watu wengine kuiga mfano huo kwani siyo lazima kuitegemea serikali kwa kila kitu, na kwamba kutoa ni moyo siyo utajiri.

Tags: AKABIDHI, HOSPITALI, LIGULA, MISAADA, MTWARA, YA, ‘DIAMOND’

1 member likes this

Comment

You need to be a member of Global Publishers to add comments!

Join Global Publishers

Comment by samora rajab albert on October 17, 2011 at 7:25pm: hongera Diamond

Comment by DINA FLAMINGO on October 17, 2011 at 6:26pm: Mungu akubariki

Comment by Glady-Cathy on October 17, 2011 at 4:41pm: VIZURI SANA DIAMOND NA MUNGU AZIDI KUKUZIDISHIA, KUKULINDA NA KUKU BARIKI

Comment by hadija abdallha on October 17, 2011 at 3:47pm: mungu akubariki kwa kutoa msaada sasa unaendana na kioo cha jamii, hayo ndo mambo ya kufanya na kuandikwa katika gazeti ili tukupe heshima unayostahili. big up kaka sasa umekua kiakili.

Comment by FURAHA TAUSI on October 17, 2011 at 3:31pm: HAPO UPO SAWA

Comment by simpo makoye on October 17, 2011 at 3:10pm: hapo sawa kijana ,bigup sana mungu akuzidishie.

Comment by lumi mwandelile on October 17, 2011 at 2:38pm: kazi nzuri, hivyo ndo inavyotakiwa

Comment by lawrence joseph mwonyonyi on October 17, 2011 at 2:24pm: KEEP ON DIMOND NOW YOUR GROWN UP.

BIG UP.

Comment by Muni Nassir Tawil on October 17, 2011 at 1:55pm: mungu akubarik

Comment by VJAY on October 17, 2011 at 1:41pm: kidogo sasa naona umeanza kuwa na nidhamu na ukiendelea na tabia hiyo utafika mbali mana kwa kufanya hivyo utakua umemkopesha MUNGU..