CHADEMA NAO WAANZA MBIO ZA KUINGIA IKULU

Chama cha Demokrasia na Maendeleo, CHADEMA leo kimezindua rasmi Kampeni za Urais kitaifa, katika Viwanja vya Jangwani Jijini Dar es Salaam. Tukio hilo limehudhuriwa na maelfu ya wafuasi na wananchi, viongozi wa chama hicho Tanzania Bara na Visiwani, pamoja na wasanii kadhaa wa Muziki wa kizazi Kipya, waliokusanyika viwanjani hapo tangu majira ya saba mchana hadi saa 12 jioni.

Mgombea Ubunge kwa tiketi ya Chadema, John Shibuda akizungumza jambo mbele ya umati wa wananchi waliohudhuria uzinduzi huo.

Mgombea Urais kwa tiketi ya Chadema, Dk Wilbroad Slaa akizungumza na wananchi.

Dk Wilbroad Slaa akikabidhiwa Ilani ya Uchaguzi ya Chadema, 2010 na Mwenyekiti wa Chama hicho, Freeman Mbowe.

Muasisi wa CHADEMA, Bob Makani akiwa jukwaa kuu, muda mfupi baada ya kuanguka jukwaani na kulazimika kukatisha hotuba yake.

Wananchi wakishangilia kwa nguvu wakati Mgombea Urais wa Chadema Dk. Wilbroad Slaa akizinadi sera jukwaani.

Msanii Joseph Mbilinyi ‘Sugu’ naye alikuwepo Jangwani.

Msanii Fred Malick Mkoloni kutoka Kundi la Wagosi wa Kaya akisoma Risala maalum kwa Mgombea Urais wa Chadema, Wilbroad Slaa.

Mwanasheria mashuhuri na mwanachama mpya wa Chadema, Mabere Marando akiunguruma jukwaani.

Mtangazaji Marine Hassan wa TBC akiondolewa na wanausalama baada ya kutokea tafrani kufuatia kukatika kwa matangazo yaliyokuwa yanarushwa moja kwa moja na kituo hicho kutoka viwanjani hapo.

Mashabiki wa Chadema wakimsindikiza Mgombea Ubunge wa Chama hicho, Joseph Mbilinyi wakati akiondoka viwanjani hapo.

PICHA: RICHARD BUKOS, STORY: HASHIM AZIZ/ GPL.